عملنا قسم جديد لفيديوهات اليوتيوب والجوجل والياهو
علشان خاطر حبايبنا اللي لسه واخدين أجازة نص السنة

عايزين بقي نملي القسم ده
مش عايزين حاجات كتير بس عايزين حاجات جامدة






[HR]
نبدأ رح أزاي تحط فيديو يوتيوب هنا في موضوع

أولا لازم تكون عارف المقطع فين علي موقع اليوتيوب
صح ولا ايه

مثلا انا كنت باتمشي شوية النهاردة في اليوتيوب وشفت مقطع جميل من مسلسل تامر وشوقية
وحبيت اني اشارك اصحابي في المنتدي المقطع ده

هاعمل ايه





تابعوا الصور

ده شكل المقطع وهو علي اليوتيوب



هانبص فوق كده عند شريط العناوين أو ال Address bar
وهاناخد لينك الصفحة كوبي
يعني هانعمل نسخ لرابط الصفحة
زي الصورة دي



تمام كده

هانروح علي المنتدي بقي
ندخل قسم اليوتيوب
ندوس علي موضوع جديد
هايظهرلنا المحرر بالشكل ده



هاندوس علي علامة فيديو اليوتيوب زي ماهو واضح في الصورة اللي فاتت

لو أنت بتستخدم اكسبلورر 7 هايظهرلك شريط أصفر فوق
هاندوس عليه كليك يمين ونختار زي الصورة دي



لو ما ظهرش يبقي خير وبركه

بعد كده هاندوس تاني علي نفس ايقونة اليوتيوب اللي دوسنا عليها قبل كده
هايظهر لنا مربع زي ده




واخدين بالكم اللينك اللي فيه شبه لينك اليوتيوب
المهم هانمسح اللي جواه وبعدين نعمل باست للينك اللي اخدناه من اليوتيوب
وي الصورة دي



وبعدين ندوس أوك

كده احنا خلصنا خالص

هايظهر معاك اللي أنت عملته زي كده



هانكتب تحته أي تعليق علي المقطع
علشان لما حد ييجي يقرا موضوعك مايبقاش مش فاهم حاجة


وبعد ما نخلص ندوس أرسال

هايظهر معاك الشكل النهائي زي الرد اللي جاي

ملحوظة رفيعة
لو النت عندك بطيء وعايز تتفرج علي مقطع يوتيوب
أفتح المقطع وبعدين دوس علي زرار التوقيف المؤقت Pause
لغايةما شريط التمرير يبقي لونه احمر كله وبعدين شغل المقطع
طبعا الناس عارفة الطريقة دي بس بنقول للي مش عارفين

يارب يكون الشرح عجبكم
وعايز كل واحد يطبق الدرس ده عملي
يجيب مقطع حلو من اليوتيوب ويحطه هنا في موضوع جديد

ان شاء الله ربنا يكون وفقني في الشرح

مقطع من المسلسل الشهير تامر وشوقية
هاتموتوا من الضحك علي الحلقة دي
اتفرجوا وادعولي

جامد المقطع ده
المسلسل ده روعة وانا باحبه

هاروح أجيب لكم مقطع وراجع
:)

[center]شكرا يا فوكسى
و مبروك إفتتاح القسم الجديد
و شكراً على الشرح الرائع[/center]

القسم فكرته جميلة جدا وعجبتنى اوى
والشرح بتاعك حلو اوى "تنفع مدرس جامد جدا ;) "

وشكرا على المقطع المسلسل كله على بعضه لذيذ

وانا ان شاء الله لما الاقي فيديو حلو هجيبهولكم ,سلام