يا جماعه انا سمعت انهرده عن الاضراب الي اغلبيه المصريين بيقرروا يحصل يوم 6 ابريل

كلنا هنتكاتف علشان ننهي المهزله الي بتحصل مش بس كل يوم بل اصبحت ظاهره كل دقيقه


شايفين فعلا نقدر كشعب كبير لو اتاكتفنا نقدر نغير حاجه ؟؟؟؟؟؟؟؟؟؟؟



ودي بعض الصور للجماعات الي فعلا ابتدت تتحرك




قولولي رايكم ايه؟؟؟؟؟؟؟؟؟؟؟؟؟

احنا الحمدلله فى اسكندرية الريف بتاعنا بخيرة
مش التعبان بتاع القاهرة دا
بس طبعا تضامننا معاكم انا موافقة
بس مش اضراب على العيش بس على كل حاجة غليت

[center]الاضراب يوم الاحد 6ابريل (6\4)[/center]
[center][/center]
[center]علشان الغلاء وارتفاع الاسعار في كل حاجه مش بس العيش[/center]
[center][/center]
[center]اضراب عن شراء اى سلع فى اليوم ده وياريت منكنش سلبين ونشارك كلنا فى الاضراب .......[/center]
[center]مفيش حاجة فى البلد ممكن تتغيير واحنا واقفين نتفرج ونقول حسبى الله ونعم الوكيل .....[/center]
[center][/center]

مش بقول علي العيش بس يا شباب انا بقول عن كل حاجه بس دي عينه علي الي بيحصل فينا كا بني ادمين او غير كده .... الله اعلم بنتعامل علي اساس ايه

فعلا يا كول ياريت مش نبقي سلبيين ياريت نتضامن كلنا بجد

انا مش فاهم يعني ايه نضرب عن اننا نشتري حاجة يوم 6 ابريل
طيب وده هايغير ايه
بيتهيالي ولا هايحرك اي حاجة
الاضراب عن العمل هو اللي ممكن يعمل ضجة
انما الاضراب عن الاكل ........ ماعتقدش

اعتقد ان الاضراب مش هيكون ليه ادنى تأثير على اى حاجه لاسباب كتيره منها ان مش كل الشعب هيشارك فى الاضراب ده , كمان الاقليه اللى هتشارك فى الاضراب اكيد هتكون عامله حسابها قبلها بيوم يعنى بدل ما تشترى حاجه تقضيها يوم هتشترى الحاجه اللى هتقضيها يومين وبكده نكون ما عملنش حاجه وكمان مده الاضراب ( يوم واحد ) مش كافيه .

ورايى من راى فوكسى ان الاضراب عن العمل هو اللى ممكن يكون ليه تأثير فعال

يا جمااعه الاضراب عن اي حاجه في البلد واولهم عن الوظاايف
مش الاكل بس

ولا الناس هتضرب عن العمل ولا عن الاكل

ليه النظرة التشاؤمية دى

طيب مانبدا بنفسنا
انا قلت لناس وهما اتحمسوا للفكرة

لو كل واحد قال لغيره ونفذنا الفكرة اكيد هيحصل فرق

غير نفسك ... غير بلدك

انا معاكي يا بنوته لو كل واحد راامي الحمل علي غيره محدش يشتكي بقي من الاسعار والمواصلات والوظايف وكل حاجه باايظه اصلا